Wanna Eat

營業中

休息中

幾年前幫襯過呢間餐廳，覺得OK，於是今日路過，就決定再幫襯。不過今日之後，一定唔會再幫襯。我哋order咗三個晚餐，其中兩個係pasta， order嘅時候已經千叮萬囑因為小朋友食想整淋啲，不過上枱之後，pasta嘅長通粉同意粉直程係唔熟，中間個心仍然是硬的，到底係咪廚師Get錯我意思，整咗相反出嚟？味道亦都只能夠講是難食，最後成碟粉冇食過。另外晚餐加$20會有餐湯，但係好難想像一間西餐廳，餐湯竟然是中式例湯，所謂椰菜煙肉湯，出嚟的只是一碗茶餐廳例湯般，味道差，份量少，賣相亦好差，早知慳返$20 。另外叫咗羊扒，羊扒普普通通，已經是全餐最正常的一種食物，伴碟嘅薯條，好明顯係返炸再返炸，顏色比薯仔皮更深色。最後埋單四百幾，但係都唔知自己食咗啲乜嘢，因為味道難食，我哋食剩左好多食物，呢一餐簡直浪費金錢，浪費食物。