影片
更多
2019-04-10
393 瀏覽
之前都黎過Mini Club 飲野同食飯，見未寫過佢，就寫下。我對於mini club 嘅印象係，佢有好得意嘅cocktail，係傾計飲野好地方。老公竟然自己提意食呢間，原來佢有時都會同friend 黎呢間食。我地叫咗好多野，兩個人都食唔晒咁滯。海鮮拼盆、黑毛豬鞍扒、軟殼蟹意粉同和牛粒。我地兩個海鮮怪，一個海鮮拼盤都走唔甩。個海鮮拼盤都有好多野食，龍蝦半隻、鮑魚、青口、螺、蝦同蠔。啲海鮮都好新鮮，鮑魚好有彈牙，但係龍蝦擺嘅方法唔係咁理想，係個盤道係肉掂住啲冰，所以啲肉太過冰凍。豬鞍扒上菜時由侍應倒酒落去，然後點火，好有氣派。佢點火前仲會問你洗唔洗影相，好細心。因為有火燒一燒，所以啲肉係脆脆的，但佢外脆內軟，仲有肉汁。軟殼蟹意粉份量勁足，我地完全眼闊肚窄咁嗌咁多。個軟殼蟹好大隻，又脆又厚肉，真係好抵食。好彩個意粉係茄醬酸酸地唔會太滯。仲有係和牛牛柳粒，下面仲有啲中華沙律。都算好食架，因為唔太靭，又唔會過生過熟。最後，我地仲叫左個甜品 The love of eiffel。呢個甜品好浮誇呀！成個鐵塔咁上，仲有乾冰製造霧氣效果。一上菜，係全場望住，無諗過咁大set，好岩呃like! 兩杯野飲
我對於mini club 嘅印象係，佢有好得意嘅cocktail，係傾計飲野好地方。老公竟然自己提意食呢間，原來佢有時都會同friend 黎呢間食。
我地叫咗好多野，兩個人都食唔晒咁滯。海鮮拼盆、黑毛豬鞍扒、軟殼蟹意粉同和牛粒。
我地兩個海鮮怪，一個海鮮拼盤都走唔甩。個海鮮拼盤都有好多野食，龍蝦半隻、鮑魚、青口、螺、蝦同蠔。啲海鮮都好新鮮，鮑魚好有彈牙，但係龍蝦擺嘅方法唔係咁理想，係個盤道係肉掂住啲冰，所以啲肉太過冰凍。
豬鞍扒上菜時由侍應倒酒落去，然後點火，好有氣派。佢點火前仲會問你洗唔洗影相，好細心。因為有火燒一燒，所以啲肉係脆脆的，但佢外脆內軟，仲有肉汁。
軟殼蟹意粉份量勁足，我地完全眼闊肚窄咁嗌咁多。個軟殼蟹好大隻，又脆又厚肉，真係好抵食。好彩個意粉係茄醬酸酸地唔會太滯。
仲有係和牛牛柳粒，下面仲有啲中華沙律。都算好食架，因為唔太靭，又唔會過生過熟。
最後，我地仲叫左個甜品 The love of eiffel。呢個甜品好浮誇呀！成個鐵塔咁上，仲有乾冰製造霧氣效果。一上菜，係全場望住，無諗過咁大set，好岩呃like!
兩杯野飲，Lindemans Pecheresses 同Honey Bee。Honey bee 推介的，我都飲過好幾次。
呢度service 其實幾好，例如一開始佢會提醒我哋熟食同埋生食要分開碟，去咁多餐廳，都冇人會咁提醒我，同埋笑容滿面。但係唯一一樣唔好，就係佢啲上菜時間。佢一下子就上晒海鮮拼盤同熟食，搞到我哋都食唔切，啲熟食甚至乎有啲攤凍左，好可惜。
張貼
