影片
更多
2024-08-11
181 瀏覽
當一隻熊咁樣攤喺個浴缸度沖涼，其實我係唔忍心食佢😂。呢間打卡味道甚濃嘅”Cakebearbear”，係炮台山名物。因為佢實在太出名，周圍大量嘅熊仔裝飾，擺滿晒熊仔公仔，加上大量有熊仔嘅食品，就算淨係嚟打卡都絕對值。當然我都係會盡量Focus喺食物度。哈密瓜燒赤蝦沙律配和風沙律汁 $72呢個沙律真係好大份，赤蝦燒得好香，未拎到嚟都聞到，食落唔錯。加埋啲哈密瓜，成個沙律五顏六色咁，香草法式羊架配薯蓉 $158158居然可以食到法式羊架，仲要係set。羊架燒得好香，咬落唔會好嚡，好明顯故意做到唔係全熟，佢本身加埋一個燒汁，我覺得點唔點都ok! 千語星辰 主食+$45本店名物，用上蝶豆花橙汁同菠蘿汁做出嚟，色彩繽紛幾乎一枱一杯，叫主食set可以加錢轉。上次嚟食已經覺得呢杯好飲，仲未計上面有隻藍色嘅熊。泡泡熊甜品 $102(北海道3.6奶凍，寒天，雪糕，士多啤梨熊仔牛奶冰)本店真正隱藏名物。一大隻熊灘喺個浴缸度，浴缸入邊除咗奶凍同寒天，上面仲打咗牛奶氣泡落去，係真正終極打卡之選。食落去，奶凍嘅牛奶味好夠，亦都夠滑。雖然明顯係打卡為主嘅餐廳，但係佢啲食物其實一啲都唔差，亦都唔貴，當平時嚟食個晚餐其
呢間打卡味道甚濃嘅”Cakebearbear”，係炮台山名物。因為佢實在太出名，周圍大量嘅熊仔裝飾，擺滿晒熊仔公仔，加上大量有熊仔嘅食品，就算淨係嚟打卡都絕對值。
當然我都係會盡量Focus喺食物度。
哈密瓜燒赤蝦沙律配和風沙律汁 $72
呢個沙律真係好大份，赤蝦燒得好香，未拎到嚟都聞到，食落唔錯。加埋啲哈密瓜，成個沙律五顏六色咁，
香草法式羊架配薯蓉 $158
158居然可以食到法式羊架，仲要係set。羊架燒得好香，咬落唔會好嚡，好明顯故意做到唔係全熟，佢本身加埋一個燒汁，我覺得點唔點都ok!
千語星辰 主食+$45
本店名物，用上蝶豆花橙汁同菠蘿汁做出嚟，色彩繽紛幾乎一枱一杯，叫主食set可以加錢轉。上次嚟食已經覺得呢杯好飲，仲未計上面有隻藍色嘅熊。
泡泡熊甜品 $102
(北海道3.6奶凍，寒天，雪糕，士多啤梨熊仔牛奶冰)
本店真正隱藏名物。一大隻熊灘喺個浴缸度，浴缸入邊除咗奶凍同寒天，上面仲打咗牛奶氣泡落去，係真正終極打卡之選。食落去，奶凍嘅牛奶味好夠，亦都夠滑。
雖然明顯係打卡為主嘅餐廳，但係佢啲食物其實一啲都唔差，亦都唔貴，當平時嚟食個晚餐其實都可以。
張貼
