牛牛日式火鍋放題 (海之戀商場) (已結業)

今日冇食早餐，中午十二點左右去到海之戀，即使今日己稍回暖，仍心郁郁想食日式火鍋放題，決定就去呢間食啦，入到去餐廳客人唔多，揀好左湯底同套餐就好快入座呢度有60分鐘定量，60/90分鐘火鍋放題套餐，自已唔想食得過急就揀左90分鐘$198特選牛炙套餐同膠原豬骨鍋湯底，呢個套餐包左丹麥豚肉，特級牛胸腹同美國特選牛，可以QR Code落單任點任食，牛胸腹同特選牛色呈粉红同光澤，肉同脂肪比例均匀，食落牛肉味好重冇騷味，丹麥豚肉肥瘦比例啱啱好，都幾有豬肉味，不過都係比牛肉遜色少少食左咁多肉當然要食返多啲蔬菜消化下，自助區拎左羽衣甘藍，娃娃菜，生菜，萵筍，金菇等蔬菜，全部幾新鮮同索哂湯底味道，另外，再食左少少墨魚丸，魚蛋，芝心丸，蛋餃，加埋水晶薯粉同烏冬，食埋呢啲自助火鍋配料已經飽哂，最後，梗係食埋自助區甜品雪糕棉花杯，雀巢雪條同hagendaaz雪糕為今餐火鍋放題劃上句號海之戀有好多高質食肆，呢間日式火鍋放題套餐性價比極高，雖然得90分鐘享餐但食得好舒服，去到下午一點幾客人又唔多，絕對值得encore黎食！