三巡海南雞飯 (已結業)

今日中間有個短短既lunch time，由於太趕時間，都唔諗咁多，係food court食就算，由於個人都未訓醒，胃口都未開，所以唔想食飯，steak，肉個類物體，又唔想食日本野太寡，所以經過「三巡」見到佢有個新推介，寫住海南雞河粉，咁就叫左個黎食啦。時間實在非常迅速，眨下眼就有得食，佢個外表就幾好，食落去就普通啦。隻雞好滑，而且一D都唔肥，但就覺得佢味道偏淡，無咩味，所以一定要掂醬汁食先得。因為唔食得辣，所以只係拎左黑醬油同薑茸，個人就覺得黑醬油好D，同個雞既味道比較夾，有少少甜甜地，薑茸就唔好食，又係無味既，掂完都好似無掂咁。河粉好滑，但湯底味道都係淡左D，成碗野變左都幾清淡......我諗我下次食都係乖乖地食返海南雞飯至啱，忽然好懷念兩星期前係BANGKOK食只係價值$10既超美味海南雞飯.......