聚寶海南雞

營業中

休息中

新蒲崗工廠大廈衆多，食肆當然都唔會小，其中〈聚寶海南雞〉係我經常會光顧的其中一間。今日收早買外賣回家。當然先講雞，件數都幾多，可惜比較薄身，平時好啖啖肉的，今日有點失準。肉質結實不油膩，更不用説是肥膏，這點我很欣賞！仲會附上兩款醬汁，照顧到重口味既朋友，但我個人認為唔點醬都好夠味！海南雞當然要配油飯！！油飯質地乾爽，口感軟熟，吃下去有啖啖的雞油香味又不會油淋淋。再配上爽脆的花生一起吃，絕對能為新蒲崗的打工仔送上心靈上一點慰藉。