孖寶去骨海南雞 (又新街)

營業中

休息中

本人同老公都非常之鍾意食海南雞飯，邊度話好食我哋都搵機會去食！我哋本身住喺屯門 ，睇到元朗呢間孖寶去骨海南雞好似幾多好評 ，又唔係好遠就揸車嚟試下啦一坐低見到個menu 有個套餐嘅，可以叫海南雞或者水煮雞半隻，然後揀佢其中一款餸：有四款係㗎哩類另外四款好似有梅菜蒸肉餅,魚香煎肉餅,豬手, 仲有一個唔記得-但係唔重要因為呢個套餐裏面嘅其他餸係完全唔好食！ 個梅菜蒸肉餅真係好味梅！啲肉質好難食個阿姐即刻拎走佢， 換個個魚香煎肉餅😰雖然冇咁梅， 但係都好咸 ！總之就唔好食啦！我入正題講番個海南雞先， 老實講嗰隻海南雞真係幾好食有90分 食得出幾有水準 個皮又好金黃色，個雞胸肉好滑，好有正宗海南雞個種味道，真係唔錯 但係嗰飯呢就唔係普通嘅雞油飯，佢應該係用泰式嗰個整法係啲薑黃飯，所以係非常之，黃 唔夠雞油香但係都合格㗎啦！總括嚟講 ，下次如果我再嚟兩個人食嘅話一定唔會嗌嗰套餐！兩個人一隻雞都係118蚊咋真係好平！而且個碗油飯非常之大碗😱 一碗可以兩分share加個菜意搞掂✌值得一提個南瓜粟米湯真係自己煲真材實料幾好飲㗎