紅椒力量 (已結業)

今日下午去左屯門v city行街，餓餓地又想食海南雞，於是同女朋友去左紅椒力量度食，之前都聽朋友介紹過話佢地海南雞好正，一直都想試，今次終於左。佢地海南雞好夠份量，雞滑肉嫩，佢地自家製既雞汁好正，點雞真係好夾，油飯都好香，聽侍應講，佢地廚係正宗海南人，唔怪得之咁好食，果然名不虛傳。女朋友就點左個鹵豬脾飯，味道都ok,串燒拼盤d肉好新鮮，一點都唔乾，食落仲好juicy，泰式鳳爪就比較港式，唔似泰國菜中既鳳爪咁辣，佢地比較帶甜酸，辣就不多。