海南雞專門店

營業中

休息中

叫咗碟海南雞脾飯$48（普通海南雞飯$35），份量正常，另外可加雞膶或雞腎（$5半份或$10一份），叫咗一份雞膶，大概有6至7件同兩粒雞心。買完可以過對面舖坐低食，醬汁有杰食甜醬油，唔算太甜，好食；仲有橙色酸汁，味道普通，同埋有薑蓉，配雞膶食可減膩。總括而言，海南雞飯雞肉滑皮香，飯偏乾身，整體質素唔錯但唔算驚喜；反而雞膶起沙極軟滑極香，火候剛好，極之推介！另外值得一提係隨海南雞飯附送ge冬瓜粒湯，味道其實唔唔突出，但係食完雞膶同油飯解膩一流！眼見有部分食客會單點雞腎，可能都會有驚喜！店內亦有飲品供選購如桔仔冰等，雖然人龍唔短，但店員快手快腳，等候時間算合理！