泰國人海南雞 (弼街) (已結業)

之前喺泰國食過海南雞飯好好味，一直都好回味。今日行過泰國人海南雞，即管又試吓啦。海南雞飯午餐$48，包一杯飲品。叫咗杯熱香芧薑蜜，攞到嚟時，好香呀，而且飲落d薑又唔會太辣喎。海南雞飯一般啦，當然無泰國咁好食，但都算做得細心，好似泰國咁，雞肉D骨係起晒嘅，而點雞食嘅汁做得唔錯，成碟汁我都用晒點雞，見到隔離枱都要問阿姐俾多碟汁佢食雞。