泰和 (已結業)

有日搭去馬鞍山見到有個站叫大水坑覺得幾得意，於是冇聊落左車睇下係咪因為有個大水坑所以叫大水坑，結果水坑搵唔到，係附近見到一間幾多人既餐廳食個unch醫下肚。就我所見泰和碟碟飯都都超大碟，每碟飯都有成2至3碗飯咁大，一定可以食飽肚。好耐冇叫過海南雞飯，就試下呢度得唔得~呢度海南雞overall係ok，雞肉頗滑皮薄而且冇多餘油份，青檸辣醬辣得起勁，但敗筆在於飯，冇咩油香而且乾硬，失色不少。冬瓜湯偏鹹，原本冬瓜湯有解渴之用，但呢個湯完全相反。最後靠加2蚊凍檸水解渴😫