爺爺雞飯 (金百利中心) (已結業)

今日去銅鑼灣金百利食東南亞午餐，餐廳名叫 - 爺爺雞飯，餐廳地方唔算好大，我哋大概兩點嚟到，過咗午飯時間，可以好快入座。-爺爺海南雞飯拼馬來肉骨茶$88價錢絕對唔算貴，海南雞夠嫩滑，有齊雞翼，雞胸，雞髀肉，非常貼心，一次過可以試晒唔同部位。油飯好香口，一食就知道香料非常充足，飯粒亦都煮得啱啱好。馬來肉骨茶有驚喜，味道屬於正宗派別，藥材同埋香料味道都好足夠，加埋豬肋骨，肉湯味道更為濃郁，真心推介。-新加坡喇沙食喇沙一定係配滲滲，即油麵加米粉，食喇沙rule number one 就係要有一個高質素嘅湯底，呢度完全合格有餘，香，濃，辣，惹味非常，大蝦已經界開咗蝦背，令蝦肉更加入味。-評分 : 7/10