凱悅海南雞專門店 (已改名) 查看

凱悅海南雞專門店，喺k66車站旁邊，幾方便嚟到當然要試吓海南雞先啦半隻海南雞，份量好多，啖啖肉，而且好滑，醃得好入味，食到停唔到口！鍾意食海南雞嘅朋友一定要嚟試吓！小食揀咗瓣醬豆腐，開頭見到餐牌畫咗兩粒辣椒🌶️🌶️都有啲擔心會唔會太辣食唔到呢？老闆就話俾我哋知啲醬係喺旁邊自己點嘅，我哋就放心點了。結果又唔係好辣喎，但又幾惹味。啲豆腐炸得好香，外脆內軟，又唔會油淋淋。好好食😋二人餐有四款湯揀，我哋叫咗個蟲草花冬瓜湯，個湯入面仲有幾舊冬瓜好正。我哋連啲渣都食埋，因為太好味啦😋😋