阿來客棧雞煲火鍋 (已結業)

呢間阿來客棧除左重慶辣雞煲出名其他湯底都好出色㗎早兩日食完辣野生緊飛滋就叫個椰子雞潤一潤先養生海底椰子雞鍋職員幫我地煮完會提我地飲碗湯先 真係好鮮甜雞件好大件又滑 煮得啱啱好火鍋料都好出色特級手切肥牛就算點細份都幾大碟好夠食肉質睇相就知靚 又滑又重牛味手打四寶丸墨魚丸最彈牙最出色食到墨魚粒粒仲有蟹籽增加口感鯪魚滑相對失色啲 有魚味但太軟身 唔係我杯茶桂花蚌焯一陣就食 又爽口鮮甜 配清清地嘅湯底好夾花雕雞子最鍾意食雞子 呢個用花雕浸過平時唔肯食雞子嘅朋友都食左粒 冇腥味野生竹笙吸晒啲雞湯超好味服務好好 雖然我地食嘅野唔多骨但職員中途都嚟換左兩次碟係值得encore嘅火鍋店