磯の水產

營業中

休息中

之前咁啱經過牛頭角海旁，原來嗰邊開咗好多新嘅餐廳，今次就試吓呢間日本居酒屋，餐廳用開放式門面，對正出面個海旁，環境寧靜舒服，適合同朋友過嚟慢慢吹吓水飲下野餐廳食物款式都算幾多，有刺身、壽司、沙律、串燒、小食、熱食鍋物等等，我哋今次order咗呢d: 旬之壽司8點 呢個係時令壽司拼盤，壽司刺身普遍都新鮮厚切，整體發揮平穩磯之卷上面有吞拿魚腩蓉、海膽同魚籽，影相靚之餘味道夠晒豐富，呢個夠鮮又滿足廣島蠔鍋裏面有七隻脹卜卜嘅廣島蠔，冇腥味而且肉質軟腍，湯底仲有好多唔同嘅配料，有生菜、菇、日本魚蛋、豆腐、紅蘿蔔，同埋個湯一齊食清甜不油膩清酒煮蜆都幾多，隻隻蜆都好大隻，而且湯底都幾重清酒味同鮮甜雞皮串燒唔係好多地方有所以都叫咗，呢個都炸得幾香脆，不過好邪惡唔敢食好多食物質素普遍OK，佢仲有好多唔同串燒同埋時令食物，不過已經好飽，所以下次先再試，同埋佢夠近海旁，食完仲可以順便行吓消化下。