JOMO Kitchen & Health Hub (已搬遷) 新店位置

話說有位住將軍澳嘅朋友推介嚟呢度嘆下午茶，上網見到呢間餐廳環境好靚，於是決定今日同朋友嚟呢度食個lunch。由地鐵站行去Jomo大約要10分鐘到，今日天氣都好熱，沿途有靚景又有好多狗主帶狗仔去散步。餐廳有分室內座位同室外座位，如果想坐室外，需要自己去搵位。坐室內嘅話，職員就會俾個號碼牌仔你等位，食飯時間限時90分鐘。🍞威士忌木桶煙燻鮭魚忌廉芝士酸種麵包都幾大份，一開始仲怕會唔飽。煙三文魚唔會太鹹，仲有一隻流心蛋喺上面。🍚🍖西班牙黑毛豬叉燒飯叉燒汁好入味，碗湯亦都好濃🍰伯爵茶戚風蛋糕最特別係佢上面嘅cream，唔會太甜，亦同戚風蛋糕嘅味道好夾！🍰無花果英式鬆餅之前去完hightea好掛住嗰度啲scone，所以今次忍唔住叫咗，味道一般，唔會好油膩。