影片
更多
2022-08-28
18 瀏覽
呢一間位於堅尼地城海旁嘅日式串燒居酒屋 《ENSO》，坐落喺西環海邊。黃昏時候來， 可以享受到海旁日落嘅景緻。 夕陽無限好， 只是近黃昏。一邊嘆番杯啤酒， 一般品嚐美味嘅串燒， 多麼寫意。Happy hour嘅時間，Asahi $68/ Pint。簡簡單單叫咗幾串串燒佐酒， 估唔到呢度嘅串燒擺盤非常之靚。先介紹呢三款特色海鹽，黑色嘅竹炭，淺黃色嘅柚子， 同綠色嘅抹茶。由於串燒已經醃製得相當好， 三款特色海鹽似乎未能盡展所長。先嚟一個《蟹肉溫泉蛋沙律》， 分量用料十足， 沙律菜新鮮爽脆， 加入咗份量唔少嘅蟹肉， 以及一隻滑溜嘅溫泉蛋。 沙律醋帶有柚子嘅香氣， 既開胃，亦清新。 用來襯托串燒味食， 實在好味又健康。另一個小食 《唐揚炸雞》， 嫩滑同爆汁程度超乎想像。 外皮酥脆， 雞肉嫩滑juicy。點埋開胃他他醬， 真係令人停唔到口。《自家免治雞肉棒》 香軟而有質感，雞肉棒加入了雞軟骨， 咬落非常之爽脆。 點埋日本蛋黃同甜甜地嘅日本照燒汁， 更加滑溜。 另外呢一款《 醬燒豬軟骨》 屬於必點推介 。豬軟骨炆得非常之淋， 軟骨好淋，用條脷推一推就散， 而且非常之入味。 喺烤香之後， 帶有微微焦
黃昏時候來， 可以享受到海旁日落嘅景緻。 夕陽無限好， 只是近黃昏。
一邊嘆番杯啤酒， 一般品嚐美味嘅串燒， 多麼寫意。
Happy hour嘅時間，Asahi $68/ Pint。
簡簡單單叫咗幾串串燒佐酒， 估唔到呢度嘅串燒擺盤非常之靚。
先介紹呢三款特色海鹽，黑色嘅竹炭，淺黃色嘅柚子， 同綠色嘅抹茶。由於串燒已經醃製得相當好， 三款特色海鹽似乎未能盡展所長。
先嚟一個《蟹肉溫泉蛋沙律》， 分量用料十足， 沙律菜新鮮爽脆， 加入咗份量唔少嘅蟹肉， 以及一隻滑溜嘅溫泉蛋。 沙律醋帶有柚子嘅香氣， 既開胃，亦清新。 用來襯托串燒味食， 實在好味又健康。
另一個小食 《唐揚炸雞》， 嫩滑同爆汁程度超乎想像。 外皮酥脆， 雞肉嫩滑juicy。點埋開胃他他醬， 真係令人停唔到口。
《自家免治雞肉棒》 香軟而有質感，雞肉棒加入了雞軟骨， 咬落非常之爽脆。 點埋日本蛋黃同甜甜地嘅日本照燒汁， 更加滑溜。
另外呢一款《 醬燒豬軟骨》 屬於必點推介 。豬軟骨炆得非常之淋， 軟骨好淋，用條脷推一推就散， 而且非常之入味。 喺烤香之後， 帶有微微焦香， 加埋京蔥絲一齊食， 味道更加有層次。
《黑豚五花腩串燒》 五花腩油脂豐富，香烤過後油份更澎湃。 簡單用海鹽調味， 吃到豬肉嘅香， 非常之香口。
《 煙肉荔枝串燒》 用味道濃郁嘅煙肉包裹住香甜嘅荔枝， 煙肉嘅煙燻香氣同荔枝非常之匹配，讚！
最後呢一串《 絹豆腐》 口感特別， 軟熟得黎帶點Q彈感覺。 絹豆腐嘅外皮燒得金黃香脆， 只要少量嘅調味，就可以食出豆腐香濃豆味。
日落嘅時候唔同朋友一齊happy hour， 飲杯啤酒，嘆下串燒， 實在係優哉悠哉。 趁天氣好嘅時候，睇埋日落美景，打卡一流。
張貼
