阿閒泰 (世貿中心)

營業中

休息中

今日約咗朋友在銅鑼灣下午茶，有一間泰國餐廳環景優雅寧靜，在餐廳最入的位置有窗口位，仲對住個海，食嘢真係超正😍下午茶set嘅Menu唔貴，大概$50起，如果飽肚啲可以叫湯麵或者飯大概60幾蚊，已經有埋飲品豬肉濃湯船麵： 可揀泰國幼麵或米粉，我哋揀咗幼麪！未食已經聞到香氣四溢，而且碗麵都好多料，有豬肉，肉丸，豬紅，蘿蔔，通菜，個湯底原來用咗二十多種材料，再加上豬骨，鴨血，然後慢火煲，所以仲湯底特別濃味和鮮甜，甜中帶微辣，麵質爽滑彈牙。泰南白咖哩燒雞扒飯：好香咖喱味，呢個係唔辣的，啱晒唔食辣嘅人👍🏻白咖哩汁配燒雞扒，仲有鹹酸菜伴碟。雞扒大大塊，味道醃得唔錯，燒得好香好多汁嫩滑。蜂蜜咖啡：第一次飲咖啡溝蜜糖，估唔到飲落隻味又幾夾。可揀冷飲或熱飲。今次試冷飲，甜度又適中，我好鍾意😍柚悠：係加咗檸檬汁及西柚蜜糖嘅紅茶，唔係好甜，味道好清新。