影片
更多
2023-04-04
45 瀏覽
今日到尖沙咀出job，夜晚想食burger, 同事話帶我去間好出名，之前拎獎既。咁啱出完糧，就食間正嘢啦。原來呢間Honbo係拎過Bloomberg全球最佳漢堡。入到去餐廳，環境都十分之好，對住成個海，感覺一流。Double Cheese Burger 雙層芝士漢堡上枱超巨型，打咭好靚。由於太大個，我哋櫻桃小嘴要保持儀態，所以用刀叉切一切。麵包係搽咗牛油烘到外面香脆，咬落非常鬆軟，兩塊漢堡扒好厚，煎得好香，大概5成熟，好juicy ，juicy得來又唔會太硬，又唔會散開晒，呢樣好難得 。芝士半溶，而且係兩塊，非常邪惡，連同洋蔥、生菜、酸瓜一齊咬入口，好好味。The Gold Standard 漢堡同雙層芝士漢堡唯一唔同係多咗煙肉，呢個包加倍邪惡。我切開之後，見d煙肉都唔少，煎到金黃香脆香噴噴，成個包好香口。Chili Fries 辣椒薯條薯條係幼身果隻，上面鋪滿辣椒肉醬，係墨西哥風味， 入邊仲混入咗紅腰豆。咁都未夠，上邊仲要有滿滿嘅芝士，超吸引。薯條食落唔會太油，炸得好脆，d肉醬好足，唔會太辣，調配得唔錯，呢個薯條超飽肚。Buffalo Wings 水牛城雞翼調味方面絕對做得好好，夠酸
原來呢間Honbo係拎過Bloomberg全球最佳漢堡。入到去餐廳，環境都十分之好，對住成個海，感覺一流。
Double Cheese Burger 雙層芝士漢堡
上枱超巨型，打咭好靚。由於太大個，我哋櫻桃小嘴要保持儀態，所以用刀叉切一切。麵包係搽咗牛油烘到外面香脆，咬落非常鬆軟，兩塊漢堡扒好厚，煎得好香，大概5成熟，好juicy ，juicy得來又唔會太硬，又唔會散開晒，呢樣好難得 。芝士半溶，而且係兩塊，非常邪惡，連同洋蔥、生菜、酸瓜一齊咬入口，好好味。
The Gold Standard 漢堡
同雙層芝士漢堡唯一唔同係多咗煙肉，呢個包加倍邪惡。我切開之後，見d煙肉都唔少，煎到金黃香脆香噴噴，成個包好香口。
Chili Fries 辣椒薯條
薯條係幼身果隻，上面鋪滿辣椒肉醬，係墨西哥風味， 入邊仲混入咗紅腰豆。咁都未夠，上邊仲要有滿滿嘅芝士，超吸引。薯條食落唔會太油，炸得好脆，d肉醬好足，唔會太辣，調配得唔錯，呢個薯條超飽肚。
Buffalo Wings 水牛城雞翼
調味方面絕對做得好好，夠酸辣，上面加d忌廉方便唔太食得太辣既我，雞翼烹調到剛剛熟，皮脆肉嫩d肉唔會嚡。
飲品大家都點lemonade，不過其中一杯係ginger lemonade，都好大杯，飲落微酸，好refreshing , 價錢都合理，用嚟清下d辣味同油膩感剛剛好。
整體上食物質素、環境衛生、海景同出餐時間都十分之滿意，今晚食得好滿足。
張貼
