港滙軒

營業中

休息中

又來試菜，以前陶源樓層，轉新店，其實isquare位置方便，又有海景，唔知點解食店成日做唔長，陶源裝修燈光白，白色鏡，枱布和櫈又係白， 總之就白曬曬，來都係貪佢一定有位，今次這間改變，櫈不用笠套，有顏色，牆深啡色木紋，玻璃有茶色，天花不用白色水晶燈，視覺上顏色有對比，整體高級形象，無咁娘。 香檳色爐暖住壼茶，高級酒店才有。 豚豚脆皮餐包$48，蓋住外層 菠蘿皮真係好脆，餡好豐滿滿，不會一pat醬，粒粒叉燒，味宜。 石鍋 XO腸粉$ 68，多瑤柱，不油乾爽， 齊齊整整 ，唔辣有味不鹹， 質地彈牙，正 淮山雞扎$39，大嚿豐滿，淮山厚的，中間心硬的，包住粗又粉芋頭條，冬菇就麻麻喇，腍而不彈，魚肚夠厚，爽。 玫瑰饅頭$28， 個人喜歡食饅頭 ，尤其是炸饅頭炸銀絲卷， 有玫瑰兩隻字，睇下咩嚟㗎 ， 原來只不過係大粉紅色搓成一朵玫瑰花樣，冇餡，少甜，要問侍應才有牛奶。 我會加多的分，因有海景， 還有個廁所，裝修埋都好靚。