洲際會所

營業中

休息中

由於疫情第四波，六點後禁堂食，原本club access包嘅黃昏雞尾酒改為小食放題送上房，而飲品就包Minibar $200。先講呢啲吧，酒類就只有呢啲選擇，另外就係定價好高嘅果汁同汽水，所以響飲品方面，改為送上房後就的確唔係好抵。小食嘅選擇都唔少，大約有八款，以下係其中一啲。維也納腸同蒜蓉蝦係我哋最喜歡嘅， encore嘅時候亦都主要係呢兩款。墨西哥素菜餅嘅素菜係用咗青紅椒同芝士。芥末牛肉多士嘅芥末其實幾好食，不過牛肉同多士就略嫌太乾了。忌廉芝士撻hea hea地另外仲有煙三文魚同水果。叫嘢食係打電話落去會所，嘢食送上房嘅速度都算唔錯，我哋一共叫咗三次，送上來都好企理同乾淨。響房間對住海景舒舒服服地食小食都尚算唔錯，不過始終冇響會所飲品任添任飲嗰種暢快。