La Vista

放假有時會特登去遠少少感覺好似個小渡假咁，今次專程揀左late afternoon至日落時間黎位於東涌sheraton hotel嘅La Vista，食下tacos飲杯野放鬆下☺️ 東涌地鐵站有shuttle bus搭過去，車程都係5分鐘左右，都算方便～餐廳裝修佈置勁有外國風情渡假風，咁好天當然要坐室外，對住個機場海景食野☺️黎到墨西哥餐廳，一定要嗌tacos啦😛嗌左Cochinita Pork同Prawn，一款用左脆皮一款用左傳統嘅軟皮，兩款都各有特色，餡料份量夠多，好味👍🏻 Mexican Wings 墨西哥雞翼外面炸到好香脆乾身，入面雞肉仲係好嫩滑，配合埋墨西哥香料調味，夠晒惹味👍🏻飲品方面嗌左杯house white同gin & tonic, 望住個靚景飲咩都特別好飲😝 逢星期一至四仲有做happy hour優惠～餐廳最近新出左shisha menu, 都係二百幾蚊一個，超抵玩，味道都唔錯!! 值得一讚，啲staff好friendly，服務又夠attentive👍🏻 野食唔錯，景觀又靚，絕對係放鬆嘅好去處👍🏻