海南少爺 (已結業)

玩完冒險樂園好肚餓，行過少少見到呢間海南少爺望落唔錯，價錢合理之餘仲有海景位，就決定試吓佢。一坐底侍應就開左壺茶，雖然佢無講係咩茶，但杯茶聞落幽香淡雅，飲落有濃濃嘅荔枝香，我同朋友都幾中意😌星 洲 醬 油 參 巴 炒 蘿 蔔 糕 ($72)微辣嘅炒蘿蔔糕惹味，有埋芽菜平衡番個油膩感，唔會令人食完好濟。肉 鬆 煉 奶 夾 酥 餅 ($62)原來肉鬆同煉奶係咁夾，放埋係香脆嘅酥餅中間，簡直係完美嘅配搭。惹 味 軟 殼 蟹 ($208)軟殼蟹對於唔想剝蝦剝蟹嘅我係個非常好嘅選擇，而”惹味”其實係用左胡椒蟹個汁，所以唔想麻煩但又想食胡椒”蟹”嘅人可以一試。涼 拌 牛 蒡 木 耳 絲 ($48)食完咁多濃味野，要叫番個清爽嘅涼拌牛蒡木耳絲平衡下。美 祿 哥 斯 拉 ($35)食東南亞菜點可以唔飲美祿，上面仲有層邪惡嘅cream，真不愧為哥 斯 拉。夠 薑 香 茅 梳 打 ($28)呢個combination 唔會太甜亦夠清新，作為餐後飲品係個幾好嘅結尾。