Ambrosia Oyster Bar & Grill (已結業)

第一次嚟呢間餐廳，有鋼琴伴奏同超級無敵落地玻璃夜景，都幾有氣氛，但反而佢彈足成晚我就有少少眼瞓。環境各花入各眼，都係講下嘢食啦！因為同朋友都比較細食，所以今晚嗌左一個套餐、一個意粉、一人兩隻生蠔就算，唔想食都撐住個肚 😛 侍應對每隻生蠔都好熟悉，幫我地揀咗一隻淡味，一隻重海水味既。套餐忌廉湯麻麻哋冇乜特別。吞拿魚沙律好有驚喜，紫菜同吞拿魚好夾。散叫嘅意粉好香忌廉味，食多兩啖就有少少濟，好彩有啲蟹子同紫菜fresh一fresh，整體都唔錯嘅。跟餐羊架肉質唔太嫩，我反而幾欣賞佢嘅配菜，係奶烤薯仔，諗起以前係外國讀書都會自己整😆 就好有回憶跟餐甜品都好特別，係用蠔殻裝嘅柚子奶凍，臨尾食返少少酸野就冇咁飽啦。