泰道 (已結業)

平時都係去九龍城食泰國菜多 原來西貢都有選擇 泰道個環境仲係對住海景 而且有戶外同戶內座位選擇 環境好大 食物質素都好唔錯！香茅辣拌蝦沙律 每口都充滿香茅同其他泰式香料 加上爽滑蝦仁 酸酸辣辣 一道惹味嘅開胃前菜 小食拼盤點左細份 包括有蝦餅 魚餅 雞卷 春捲 每款各四件 好有地道泰式風味沙爹豬 沙嗲雞 肉質肥瘦適中 濃濃既花生香 非常入味泰式炒椰菜苗 麵豉醬味道突出 但唔會過鹹菠蘿海鮮炒飯 飯粒分明 海鮮有青口 蝦 魷魚既有菠蘿鮮甜 亦有淡淡黃薑味 芒果糯米飯清甜嘅芒果配上熱辣辣嘅糯米飯 每次食泰國菜都必點椰青 夠曬冰涼 消暑解渴