Poseidon Restaurant & Bar (已結業)

餐廳內裏充滿海洋風，相當有情調好適合朋友及情侶黎慶祝及聚會。主要以海鮮為主既吧，帶有各款海鮮拼盤及生蠔。海鮮沙律清爽充滿海鮮配料，以沙律醋汁拌好味道清爽。沙律菜爽脆充滿水份，再配上甘橘果肉令沙律多陣味香。Deep Fried Lollipop Chicken Wings 脆炸波板雞槌炸完後唔會油淋淋。炸雞槌皮薄內裏肉質結實滑嫩，咬開仲帶有肉汁。配上藍芝士醬味道更濃郁creamy。Stew mussel 忌廉白酒底夠晒香濃，質感香滑又充滿洋蔥粒令忌廉汁更香甜，配上青口令味道更鮮甜。青口爽彈無渣，味道充滿海洋鹹鮮香。Poseidon Power Whisky/egg white/syrup/lemon/red wine 店員拎過黎果刻已經feel到唔簡單！一打開蓋果刻已經飄出大量白色仙氣。伴隨仙氣慢慢散開後,主角係迷霧中登場。cocktail面上帶住食用鮮花，入口帶住微微紅酒葡萄香，入口順滑,酸酸甜甜相當易入口。