野玩海店 (已結業)

一入門口就見海洋風，貫徹野玩系列的玩味風格，具陽光與海灘的氣息，店內更以管作裝潢，環境頗寬敞舒服。另設有小朋友的遊戲區，很適合一家大細來用餐。先來熱辣辣餐包，不同口味的.....再叫一打生蠔做頭盤，有兩杯飲品送，生蠔好新鮮，中等size，肥美，爽口，淡淡既海水味，creamy！是日餐湯為南瓜湯，好皇南瓜味，質感creamy，入口香滑。夏威夷風味手造薄餅 （8寸）pizza餅底有點像餅乾，不像美式般厚實，口感不夠香脆。 厚厚的芝士，可以造出拉絲效果，芝香濃郁主角：雙重芝士汁焗龍蝦海鮮拼盤超大龍蝦，肉夠扎實彈牙，拆開個蝦頭啲膏多到呢！海鮮拼盤有2個汁可以揀，我地就揀左雙重芝士汁。餐廳好貼心，會提供手套，圍巾同夾，方便客人進食。另外個拼盤仲有2隻大蝦、青口同埋海蜆，全部都好新鮮，但蜆有小小沙，D海鮮同芝士一齊焗，所以芝士味重得黎又帶淡淡海鮮鮮味，真係雙重口感，甚是滋味。當晚仲有精神的live music， 滿足味蕾之餘，令氣氛更加輕鬆、熱鬧。