海南少爺 (已結業)

喺海港城LCX地下位置，玩具反斗城旁邊，一家大細睇完玩具，行到好攰，下午茶時間，去左旁邊一間海南少爺。下午茶時間唔多人，仲要有窗口位，望住個海景慢慢飲啖茶，嗌咗個套餐加幾個小食，好滿足。餐廳用QR code 落單，非常方便。星馬菜，有海南雞、肉骨茶、喇沙、撈起、滷味……價錢唔貴，份量好多。招牌海南雞拼海鮮喇沙招牌菜海南雞，必定要試，佢可以選擇拼海鮮喇沙或者肉骨茶，冇揀錯喇沙，喇沙味有層次，濃郁香味，配米線米粉，仲有大大隻蝦。海南雞雞肉質滑，雞皮爽口唔肥，配有傳統三色醬，其為自家調製之醬汁，好食！鹹蛋黃魷魚分量夠，鹹蛋黃分量夠，剛剛好掛在魷魚上，魷魚簿簿一層炸粉，保存魷魚之好感鮮嫩。滷味拼盤有豆腐、糖心蛋、豬手、雞腳花生，雞腳非常入味，豬手皮爽肉嫩，豆腐索晒啲豉油味，炸過嘅豆腐邊脆，好吃。四人份量，中間仲有鹹酸菜，送飯一流。海港城首推，坐得舒服，價錢經濟，仲有海景，職員殷勤服務， 一流。