影片
更多
2023-09-23
42 瀏覽
同個friend係海港城行完街，揀咗呢間望到維港海景的餐廳食飯，可惜我哋唔係坐海景位😅招牌海南雞飯 拼 海鮮喇沙 $138不愧係招牌，雞肉真係好嫩滑，而且好入味，連雞皮都好滑溜。油飯偏乾身，香而不油。雞肉底下有層青瓜條，吸收哂雞味，好好食😋海鮮喇沙有種屬於海鮮的鹹香味，潷起見到好足料，表層有蝦，魷魚圈，魚片同豆卜，底層有粗麵，米粉同芽菜。喇沙味道辣辣哋，蝦肉爽口彈牙，食落都好新鮮，底層的麵吸收哂喇沙的鮮辣味，好好食，不過我怕辣所以只係食左少少🤏海南椰子雞湯 $128上枱時跟埋一粒點咗火的蠟燭仔，所以個湯一直都keep住熱。雞湯飲落好鮮甜，雞味濃郁，都飲到椰子味。最驚喜嘅係個湯會愈擺愈濃味，一上枱時飲已經覺得好有味，食完飯再飲個味竟然變得更濃郁。湯入面的雞肉都好鮮嫩，即使熱左一段時間再食，雞肉都唔鞋唔韌，非常好食。滷水拼盤 $178(豬手、雞腳、鴨蛋、豆腐、花生)豬手又大件又厚身，食落好軟冧，豬皮位好香口。雞腳的滷水味非常濃，口感柔軟，皮同筋幾乎離哂骨，輕輕嚼一兩下好輕易就可以將骨吐出。鴨蛋的流心黃幾乎流哂出黎，所以一上枱就要即刻食，蛋味配埋滷水真係又濃味又好食。豆腐同花生都吸收哂滷水的
招牌海南雞飯 拼 海鮮喇沙 $138
不愧係招牌，雞肉真係好嫩滑，而且好入味，連雞皮都好滑溜。油飯偏乾身，香而不油。雞肉底下有層青瓜條，吸收哂雞味，好好食😋
海鮮喇沙有種屬於海鮮的鹹香味，潷起見到好足料，表層有蝦，魷魚圈，魚片同豆卜，底層有粗麵，米粉同芽菜。喇沙味道辣辣哋，蝦肉爽口彈牙，食落都好新鮮，底層的麵吸收哂喇沙的鮮辣味，好好食，不過我怕辣所以只係食左少少🤏
海南椰子雞湯 $128
上枱時跟埋一粒點咗火的蠟燭仔，所以個湯一直都keep住熱。雞湯飲落好鮮甜，雞味濃郁，都飲到椰子味。最驚喜嘅係個湯會愈擺愈濃味，一上枱時飲已經覺得好有味，食完飯再飲個味竟然變得更濃郁。湯入面的雞肉都好鮮嫩，即使熱左一段時間再食，雞肉都唔鞋唔韌，非常好食。
滷水拼盤 $178
(豬手、雞腳、鴨蛋、豆腐、花生)
豬手又大件又厚身，食落好軟冧，豬皮位好香口。雞腳的滷水味非常濃，口感柔軟，皮同筋幾乎離哂骨，輕輕嚼一兩下好輕易就可以將骨吐出。
鴨蛋的流心黃幾乎流哂出黎，所以一上枱就要即刻食，蛋味配埋滷水真係又濃味又好食。
豆腐同花生都吸收哂滷水的精華，又軟又入味，不過我都係鍾意硬身的花生😆
最中間的酸菜最得我歡心，我幾乎自己一個人食哂成碟，味道酸酸甜甜，食落爽爽哋，送飯非常一流。
每枱都會有壺荔枝茶，飲落荔枝味非常醇厚，而且香味濃烈，我會想就咁買佢嘅荔枝茶😍
海南少爺 (尖沙咀)
尖沙咀廣東道3-27號海港城海運大廈地下G16號舖
*上述文章只供參考及以當時價格為準
張貼
