廣東茶居 (已結業)

一心諗住嚟呢度食粥同點心，嚟到先知原來晚市係冇點心食既。算啦，唯有下次lunch再嚟食過。真係好似“正斗”，就連裝修、桌椅、食物都似到十足十，唔知係咪同一集團呢？有粥粉麵飯、晚市小菜及甜品食，我哋order咗鹹魚炒銀芽（第一次食呢道菜，原來幾夾，食得出有唔少鹹魚，因為都幾鹹，但又幾好味），生根豆腐班腩煲（冇咁鹹更好），咸蛋蠔豉瘦肉粥（正，粥底夠綿，超大碗，咸蛋蠔豉瘦肉簡直係絶配）。最終因為太飽食唔落甜品。同男友兩個人嚟食，侍應都俾咗張卡位我哋坐，算係咁啦。我鐘意呢度多過黃埔正斗。埋單一百九十一蚊。