羲和雅苑

營業中

休息中

羲和雅苑⭐️馳名烤鴨⭐️張氏獅子頭⭐️椰皇花膠燉雞湯⭐️孜然羊架⭐️辛辣秋葵⭐️京式小籠包上星期同屋企人去左海港城嘅羲和雅苑食飯。椰皇花膠燉雞湯係全晚最鍾意嘅菜式。湯底清甜，椰子香味勁濃郁，飲完後感覺好滋潤。片皮鴨有三種食法，第一種食法用鴨皮配爆炸糖，第二種係鴨胸肉配黃芥末，而第三種就係傳統食法。烤鴨皮脆肉嫩，配上特製嘅甜麵醬同青瓜，再卷住薄餅食，每一口都可以感受到烤鴨嘅油香，同時又唔會覺得油膩，好食。張氏獅子頭大大粒，肉質鬆軟，配上濃郁嘅湯汁，每一口都充滿咗肉香。餐廳知道獅子頭嘅味道比較濃，所以好貼心咁樣配咗一小碗白飯俾我哋，呢一個服務真係要讚一讚。孜然羊架燒得剛剛好，每一塊都燒到外焦內嫩，孜然味同埋羊味都好濃郁。京式小籠包皮薄餡靚，咬落去爆曬汁，對於鍾意食小籠包嘅人嚟講真係每一口都充滿幸福感。