Da Filippo Trattoria (已結業)

意大利菜感覺好似高級又貴，唔係人人食得起，而家海港城就有一個入門版選擇，仲要有米芝蓮一星廚坐鎮。呢度主打意大利傳統家庭菜，價錢唔會好貴，仲有麵包蛋糕賣，夠大眾化。意大利菜常見的意粉薄餅唔少得，其他的經典菜式亦都有。經典肉醬扁意粉扁意粉外型獨特，彈牙又有蛋香，將平時食開既肉醬意粉帶來新鮮感。千層提拉米蘇杯擺碟賣相充滿誠意，打咭甜品非佢莫屬。Tiramisu二人享用都不過份，有香滑質感，咖啡香味亦恰到好處，打完卡食佢一次過滿足晒兩個願望。情人眼裡出肉肉聽個名都知岩晒”食肉獸”，pizza 上面有五種火腿，火腿多到數唔晒，配上水牛芝士，滿口鹹香味。餅底同樣自家製，煙煙韌韌，口感豐富。牛肉他他平時食到的牛肉他他不再獨沽一味，今次有五款配料自由配搭，咁多組合就算食晒成碟都唔會覺得膩。經典法式洋蔥湯洋蔥湯落足料，完全將精華帶出，平時飲開洋蔥湯真係唔好錯過。經典法式牛扒牛扒賣點唔係大件，不過就好厚身，而且切開牛扒亦夠鮮嫩，叫medium已經好夠做。配菜薯蓉自己都好鐘意，整個配搭都幾好。