中國廚房/台灣牛肉麵

營業中

休息中

好多時同朋友去海港城行完街之後，想喺海港城搵野食都唔容易，因為海港城嘅餐廳真係好多人，所以就發掘咗海港城附近有啲乜嘢好嘢食，呢一間係心水之選，佢係一間上樓嘅中菜館嚟嘅，價錢唔貴但係就幾好食，而且老闆都幾好好客，會走出嚟同客人傾吓偈，最鍾意嘅係呢個黑松露套餐喇，乜嘢都加咗啲黑松露落去，例如有黑松露嘅蒜片爆牛柳粒啦，牛肉都幾嫩口，有黑松露筍炒帶子啦，呢個最鍾意，有黑松露野菌肉絲伊麵啦，又有黑松露手撕雞啦，松露味都幾濃，另外仲有咕嚕肉、海蜇、乳鴿等等，一個四人套餐，連埋茶芥加一，埋單都唔使一千蚊，即係平均每人大概二百零蚊，都幾抵食呀。