八月居 (海港城) (已結業)

喺海港城入邊， $60食餐晏嘅選擇唔係話冇，不過真係唔多。疫情關係下，真係減少外出食晏，通常我都會選擇買外賣返Office食。係呀而家連食個大家樂焗豬扒飯都要$50 ，所以我覺得八月居呢個外賣餐真係幾抵。喺OpenRice度落單，真心方便，就算開緊會都可以叫定食物。午市套餐包括竹笙海皇羹，再加一樣炒野或者燒味飯。我叫咗楊州炒飯，我覺得都算有誠意，入邊啲蝦都幾大隻。我之前試過叫星洲炒咪，呢個我就唔建議，因為食完之後個口有一大陣好假嘅咖喱味留喺口腔好耐都唔散。至於佢嘅叉燒飯，我覺得大家樂好食啲，仲平啲添。呢個楊州炒飯，同埋炒牛河我都會推薦