海港酒家

營業中

休息中

大家一齊黎慶祝姨姨生日，幾家人黎嗌送食飯。叫左雜菜煲啊，招牌燒鵝，蒸魚，金沙骨，蝦，口水雞，豬手等等。最鐘意個招牌燒鵝，皮香脆，有少少甜味。肉質唔柴，頗入味。個口水雞都幾有川味水準，的確有小小辣，但雞肉好入味，雞皮爽口薄身唔油膩。金沙骨偏甜，肉質少少柴。魚肉好滑好嫩，豉油味剛剛好，唔腥，有水準既蒸魚。雜菜煲呢，就略嫌味道較淡，湯底都無咩味，純粹為左食d菜而嗌既，一般般啦。蝦香滑有咬口，都係正常酒樓水準，幾好幾好。海港都真係唔錯，不過海港預左少少貴。