ReDivine (CAPRI Place) (已結業)

第一次走到黎將軍澳海濱覓食🤓天氣涼左想食少少辣野🤏見到呢間泰菜幾岩心水～價錢以呢個質素黎講幾中規中矩👍餐廳環境其實幾chill, 近門口位有幾張搖搖椅架，而且仲有室外座位，幾東南亞風情～一黎就嗌左兩個starter, 有廚師發辦炒蜆&原條燒魷魚。蜆肉夠鮮，加上小辣嘅泰式汁，係必推嘅開胃頭盤！原條魷魚真係冇講大話，真心勁粗勁大嘅一條，泰式香料再吱啲青檸汁，酸酸辣辣同樣超開胃呀～魷魚燒得夠腍，唔會咬到牙骹軟！用蒸爐裝嘅黑松露薯條，份量勁多，黑松露醬都好夠，食泰菜都不忘要嗌啲fusion西式野主菜：西班牙豬肋骨．小火山⛰啲豬肋骨真係一塊塊推砌上去，肉質非常腍，一咬離骨辣度小過頭兩款starter, 如果係芫茜愛好者尤其會對呢個主菜加晒分，因為啲汁都幾香芫茜味架👍