浜燒太郎 (已結業)

隨着將軍澳南越來越多屋苑入伙，呢邊都越來越多餐廳，尤其是一啲對住海濱長廊，可以望住過海嘅商舖，特別多優質嘅食肆進駐。今日就去左Pavillions 嘅一間日式餐廳，主打係燒海鮮，不過由於時間嘅關係，今日食飯比較趕，所以唔係叫咗好多燒海鮮，主要都係叫返其他平時食到嘅日本菜。呢個係燒鰻魚，燒得好香不過就比較細分。呢個係燒帶子，佢最好嘅地方就係佢個汁係依然係非常濃郁，好新鮮嘅感覺。當然唔少得刺身啦，都新鮮嘅。呢個係日式卷蛋，入面有好香嘅芝士。呢個係日式炸雞，但係我略嫌佢炸得有點太多。呢份係燒牛舌，燒得好香同埋佢牛舌本身嘅肉質都係上等。呢間鋪頭絕大部份嘅菜式都係新鮮同埋屬於有質素嘅食物，下次可以再來。