海王漁港

營業中

休息中

好耐冇去新都城，屋企人想去酒樓晚飯，就去咗海王漁港。星期六晚冇訂位，有枱，坐唔滿，不過都有唔少客。清蒸長腳蟹 $498 （兩斤至兩斤半），街坊酒樓算 okay，蟹肉都清甜。加$100可以將啲蟹籽做炒飯，都好大盆，入面有帶子粒、蝦粒、翠玉瓜粒等，飯炒得乾身好味。另外叫一份例牌燒鵝，不過不失。豉椒炒蜆就咸咗啲。三個人埋單九百幾。見佢個餐牌都幾多嘢食，下次都可以再試下。啲侍應唔算好主動，不過叫佢哋時都好好態度。