太興 (麗城薈)

營業中

休息中

今晚無約人食晚，自己去了食太興。呢間太興有度好，就係晚市食小菜無需加錢就可以升級做套餐，即是包埋白飯及一杯飲品。在其他的太興食，係要加19蚊㗎!餐廳夠大，唔難搵位。小菜選擇多，最終都係揀咗【海皇豆腐煲 $63】無需久等，熱辣辣的煲仔上到來。跟住白飯和奶茶都到了。睇睇個煲仔，都有好多料。有西蘭花、蝦、魷魚，同埋豆腐。個汁都好惹味，送飯超正。來太興，好多人都係飲冰鎮奶茶，但係我唔鍾意，因為覺得太甜。我反而會飲熱奶茶，可以自己落少啲糖，同埋，我覺得熱飲才飲到茶香。這餐簡簡單單，味道都唔錯。