影片
更多
2021-12-17
1737 瀏覽
店名稱為「海神」，夠霸氣呀，同老友嚟食餐好嘅，多謝番佢哋之前嘅幫忙。其實，人生裡面有啲好兄弟，真喺種福氣，等疫情過後，有機會都希望搞番多啲一班兄弟嘅死佬飯局。餐廳位處商廈4樓，地方比想像中大，裝修摩登型格，氣氛輕鬆。而入門右邊喺一字長形全部卡位，梳化椅設計，舒服好坐，又夠大張闊落，喺三幾個老友飲吓嘢、食吓飯聚聚嘅好地方。 此外，入門口左邊就喺平台嘅露天位，佈置咗好多燈飾同一啲光效，非常啱近排嘅天氣，清清涼涼，感覺爽朗，故此，目測所見，都坐滿晒客人。我見佢哋設置咗一啲暖氣裝置，就算再涼少少，坐出去都仲OK。 既為酒吧餐廳，當然，飲品會多元化好多，尤其酒精類嘅選項就特別多，翻一翻，由紅白餐酒、香檳、啤酒、特色嘅雞尾酒、各種烈酒……一應俱全，而照顧到唔飲得酒嘅客，更有無酒精雞尾酒、梳打、果汁、以及啡茶供應。見叫杯梳打都$68，所以，不如試吓啲無酒精雞尾酒啦。 Tropical Princess $88稱得「熱帶公主」，梗有好多熱帶水果，餐牌已烈明以熱情果、菠蘿、香橙、檸檬、薄荷、茶溝成，大大杯，仲加咗少少藍莓做裝飾。某程度都幾似雜果賓治，入口酸爽清新，配一陣所食嘅薯皮、德國腸都幾夾。Amaz
餐廳位處商廈4樓，地方比想像中大，裝修摩登型格，氣氛輕鬆。而入門右邊喺一字長形全部卡位，梳化椅設計，舒服好坐，又夠大張闊落，喺三幾個老友飲吓嘢、食吓飯聚聚嘅好地方。
此外，入門口左邊就喺平台嘅露天位，佈置咗好多燈飾同一啲光效，非常啱近排嘅天氣，清清涼涼，感覺爽朗，故此，目測所見，都坐滿晒客人。我見佢哋設置咗一啲暖氣裝置，就算再涼少少，坐出去都仲OK。
既為酒吧餐廳，當然，飲品會多元化好多，尤其酒精類嘅選項就特別多，翻一翻，由紅白餐酒、香檳、啤酒、特色嘅雞尾酒、各種烈酒……一應俱全，而照顧到唔飲得酒嘅客，更有無酒精雞尾酒、梳打、果汁、以及啡茶供應。見叫杯梳打都$68，所以，不如試吓啲無酒精雞尾酒啦。
Tropical Princess $88稱得「熱帶公主」，梗有好多熱帶水果，餐牌已烈明以熱情果、菠蘿、香橙、檸檬、薄荷、茶溝成，大大杯，仲加咗少少藍莓做裝飾。某程度都幾似雜果賓治，入口酸爽清新，配一陣所食嘅薯皮、德國腸都幾夾。
Amazon Forest $88夏總就選上「亞馬遜森林」，以接骨木花、青瓜、檸檬、梳打溝成，再加一抹薄荷葉做裝飾，感覺非常清爽，未飲都覺得涼快，同樣襯晒一陣間啲重味食物。
食物嘅選擇亦多元化，唔會得三幾款嘢，包括湯品、小食、生蠔、海鮮拼盤、精選頭盤、漢堡、比薩、意大利麵、意大利飯、主菜、甜品，可以講夠晒全面。
夠人多嘅話，又鐘意食吓生蠔、冷盤嘢，可以考慮呢一艘「海神珍珠號」喎，夠霸氣，又包咗多款冷盤美食。
啲餐具都好型格，尤其隻碟，金銅色好搶眼，兼刻埋餐廳名。
海神珍珠號 $698捧到嚟真喺好架勢，成隻水晶船，再加埋啲燈效，以及冰霧，星光閃閃，猶如飄浮海中。而每款美食都獨立以小杯盛載，既好睇，又方便食用，而4款食物包括：新鮮生蠔杯 x 12、血腥瑪莉雞尾酒大蝦杯 x 4、蟹肉醬汁鮑魚配魚籽杯 x 4、金箔魚籽醬泰式蟹肉杯 x 4，好適合3-4人共享。
海神珍珠號
$698
13 瀏覽
2 讚好
0 留言
新鮮生蠔杯最別開生面喺，佐食嘅唔喺平常嘅檸檬角，而喺三款特色醬汁：麥威士忌、清酒芥末汁、柚子香檳汁。據店員介紹，生蠔都喺嚟自南非，小弟就先淨食一隻，試試生蠔本身嘅味道喺點，生蠔入口口感比較黏，蠔味餘韻長，海水味重。而幾款醬汁，小弟較愛柚子香檳汁，因為味道清爽，更平衡蠔嘅海水味。
血腥瑪莉雞尾酒大蝦杯呢一款冷盤晌口少西餐中都有出現，上次晌「唯港薈」食英式下午茶時都有遇到。個蕃茄汁調校的濃郁而酸香，大蝦則鮮爽彈牙，沾上醬汁，蝦味更突出。而且，啲汁唔好嘥，配生蠔亦好正。
蟹肉醬汁鮑魚配魚籽杯雖然話喺蟹肉醬汁，但講真，真喺唔多覺，不過，啲鮑魚煮得幾入味，軟腍得嚟有少少煙韌感，下面墊有滿滿嘅魚籽，卜卜脆脆咁。
金箔魚籽醬泰式蟹肉杯4款冷盤中，呢一款蟹肉杯喺最得小弟歡心，因為小弟鍾意食蟹，卻唔多喜歡拆蟹，麻煩嘛。杯面加咗黑魚籽及香箔，已經顯得好有貴氣，而滿滿鮮甜嘅蟹肉配上清甜多汁嘅柚子肉，拌以泰式調味，無論味道、口感，都喺一流。
海神珍珠號
42 瀏覽
0 讚好
0 留言
香烤薯皮 $88食完一大堆冷盤，份烤薯皮就啱啱好送上，暖番吓個胃，哈哈！一客有4件，件件都烤到金黃，香味撲鼻，面面仲加有大量莫沙里拉芝士同煙肉碎，份外惹味。佐以忌廉忌伴食，啱晒我，令薯皮食起嚟添加一份酸爽感，感覺無咁滯膩。
香烤薯皮
$88
23 瀏覽
0 讚好
0 留言
德國豬肉腸拼盤配薯蓉及酸椰菜 $218晌餐牌上，睇中文就擺明車馬喺德國腸，但再睇睇英文翻譯就見豬肉腸喺嚟自有德國同奧地利，當中包括Frankfurter（德）、Nurnberger Pinwheel（德）、Kasekrainer（奧），前兩者法蘭克福腸及紐倫堡腸都聽過吓，而最後者真喺未聽過，晌網上都搵唔到中文譯名，每款腸均有兩條，拼埋薯蓉及酸椰菜，份量十足，無3、4個人都唔好叫呀！
德國豬肉腸拼盤配薯蓉及酸椰菜
$218
21 瀏覽
0 讚好
0 留言
Frankfurter直身短啲嗰條就喺法蘭克福腸，比較傳統嘅德國腸，食熱狗就成日見，喺三款腸中比較普通嘅一款。不過，食落腸衣脆口，肉質挺實，唔會好似啲平價腸咁削身，食得出都喺靚貨。
Nurnberger Pinwheel一般紐倫堡腸都喺直身，不過，呢次就做成螺旋形，賣相就夠使搶眼。煎得香口，腸衣同樣好脆口，而味道帶多一點香料嘅香味，咬落亦富肉汁。
Kasekrainer最長最大條就喺佢喇，而最大特色喺腸內加咗啲粒粒芝士，故此食落有陣陣芝士香味，而睇樣就知外皮又喺好脆口，直情脆到「爆」呀！順帶一提，薯蓉保留少少薯粒，所以，食落幼滑得嚟，又有部份喺有啲咬口感。
布朗尼配雲呢拿雪糕 $108友人話無甜品結尾就總喺差少少，布朗尼喺大家嘅心水，店員話佢哋嘅布朗尼喺即叫即焗，所以，最好預早少少落單。一客有4件布朗尼，除配有雪糕，仲伴有鮮尼廉同雜莓。雪糕就無乜特別喇，但件布朗尼好掂，熱烘烘，配雪糕產生冰火之效，而朱古力味勁濃郁，挺實卻又無話乾晒身嘅毛病，內有好多脆口嘅合桃粒，正呀喂！
布朗尼配雲呢拿雪糕
$108
7 瀏覽
0 讚好
0 留言
今餐真喺大滿足，除咗環境好，食物有水準之外，招呼亦好熨貼。原來卡位呢邊尾尾仲有個廂房，真喺適合一班老友嚟搞吓聚會或者生日會。
張貼
