影片
更多
2018-07-28
213 瀏覽
最近九龍維景酒店的棕櫚閣西餐廳做緊優惠，「海膽、鵝肝、燕窩」自助晚餐，雖然海膽只係每人一客，但鵝肝任食，仲有燕窩入饌的湯及甜品，當中的羊扒及虎蝦任食之餘，質素味道都大讚，雪糕就有貴價「movenpick」，價錢優惠都幾抵食。當日仲安排坐落地大玻璃窗旁邊，落住雨都覺得靚，因為旁邊少其他客人，亦近自助區，所以寧靜得來又方便去取食物，服務員亦十分有禮，勤收食完的餐碟及常添水，也很快添加食物到自助區。每人一客海膽，一板上碟，配脆卜卜紫菜，仲有日式蟹籽沙律。海膽好濃郁甘甜，軟滑新鮮，配紫菜食岩岩好，海膽味令人回味。蟹籽與青瓜絲沙律同樣爽脆，食完海膽食一口更為清新，可以接著再食海膽。自助餐點少得海鮮，餐廳的法式海鮮吧數款海鮮，跟不同季節轉換，當日有阿拉斯加雪蟹爪、紐西蘭青口、加拿大翡翠螺、法國香草龍蝦仔、還有大蝦及帆立貝，全部都肥美飽滿。翡翠螺彈性十足又肉厚，青口肥美嫩腍。個人更喜歡蟹腳，多肉汁又鮮味，而且肉厚又彈牙。大蝦亦同樣爽彈，所以主力食蝦及蟹腳。帆立貝味道較淡，要沾醬食才夠味。蟹腳超易折肉，睇下啖啖肉又鮮嫩，唔使醬料直接食都好味。之後再食刺身類，有三文魚、吞拿魚、北寄貝、希靈魚，仲有原條白
最近九龍維景酒店的棕櫚閣西餐廳做緊優惠，「海膽、鵝肝、燕窩」自助晚餐，雖然海膽只係每人一客，但鵝肝任食，仲有燕窩入饌的湯及甜品，當中的羊扒及虎蝦任食之餘，質素味道都大讚，雪糕就有貴價「movenpick」，價錢優惠都幾抵食。當日仲安排坐落地大玻璃窗旁邊，落住雨都覺得靚，因為旁邊少其他客人，亦近自助區，所以寧靜得來又方便去取食物，服務員亦十分有禮，勤收食完的餐碟及常添水，也很快添加食物到自助區。
每人一客海膽，一板上碟，配脆卜卜紫菜，仲有日式蟹籽沙律。
海膽好濃郁甘甜，軟滑新鮮，配紫菜食岩岩好，海膽味令人回味。蟹籽與青瓜絲沙律同樣爽脆，食完海膽食一口更為清新，可以接著再食海膽。
自助餐點少得海鮮，餐廳的法式海鮮吧數款海鮮，跟不同季節轉換，當日有阿拉斯加雪蟹爪、紐西蘭青口、加拿大翡翠螺、法國香草龍蝦仔、還有大蝦及帆立貝，全部都肥美飽滿。
翡翠螺彈性十足又肉厚，青口肥美嫩腍。
個人更喜歡蟹腳，多肉汁又鮮味，而且肉厚又彈牙。大蝦亦同樣爽彈，所以主力食蝦及蟹腳。帆立貝味道較淡，要沾醬食才夠味。
蟹腳超易折肉，睇下啖啖肉又鮮嫩，唔使醬料直接食都好味。
之後再食刺身類，有三文魚、吞拿魚、北寄貝、希靈魚，仲有原條白身魚好有氣勢和數款壽司。
三文魚超肥美，油脂豐腴，好甘香油潤的口感，瘋狂添食之一。另外，估唔到北寄貝好爽口，不韌帶彈牙。希靈魚籽豐富，所以脆口感十足。
我都會食點前菜及沙律，中和一陣食肉的膩感，沙律有數款拌好的選擇，配搭其他蔬菜類，加埋海鮮食都得，自由配搭好味又好玩，自助餐就是要動動身子選自己喜好美食。
蝦沙律必食，因為懶人恩物，蝦子去殼配水果，鮮味又香甜爽口，輕盈清新。另外，有芝士及煙三文魚，味道都幾好，也是回本之選。
最正有蘆筍仔，既多汁又嫩，我仲發現有特別醬汁，芒果咖哩醬，咖哩香中帶甜，卻不辛辣，幾岩做肉類的沙律醬。
當中的大熱主角，鵝肝、虎蝦、羊扒都是即場鐵板燒製，個個都取幾轉就知味道有保證。要大讚廚師的廚藝，三款都煮得好好味。
鵝肝細細件，但就厚身夠肥，煎得外脆內軟，鵝肝油脂甘香，味道濃郁咸度剛好，起初食兩件都不膩，大家可以添食多點都不怕，而且鵝肝下有麵包吸油，令鵝肝無多餘油份。
羊扒也煎得超靚，香脆的外層，切落去已經感受到脆皮感，惹味香口，羊扒肉質嫩而筋膜少，易咬又有口感，帶微微羊羶味，配埋微甜的薄荷醬食，味道更好。虎蝦同樣是煎得剛熟，肉質爽彈，比凍海鮮的蝦更美味，雖然就咁食已經好正，但沾少少蒜油食，更有另一番風味。
熟食方面，我一向都少食，但由於餐廳多用海鮮，所以我竟然食多左。
奶油焗帶子，好香好creamy帶奶香的醬汁，配帶子好夾，若帶子再大隻一點更好。咖哩炒蜆味道香濃，咖哩味溫和易接受，蜆肉飽滿。蒸魚好大條，蒸的剛好，肉質算嫩且少骨啖啖肉。
辣油煮螺味道幾好，不會好辣且螺肉夠彈。咖哩蟹也食了少少，咖哩不會好重香料味，比起蜆肉這款更美味。
即場熱煮的燕窩龍蝦濃湯，加入的龍蝦份量也算多，還有燕窩，幾特別的濃湯。
龍蝦肉微彈，味道突出，估唔到可以加入燕窩，立即提升矜貴美饌。湯濃而不咸，真材實料。
燒牛肉也是必有的菜式，餐廳還有火腿扒，配菠蘿食更夾，所以可以去生果位取點水果配火腿食都不錯。
牛肉可以擇熟一點或生一點，很貼心的服務。肉質嫩腍，亦有肉汁，味道好好。配黑椒汁的確惹味，但配芥醬更夾牛肉。
忍唔住要食甜品，呢個燕窩雙皮奶由入黎個下已經吸引住我。
保持溫熱，雙皮奶果然奶味濃郁，好滑好香好滋味，加入燕窩更養顏，甜度不高，食完無負擔。
甜品選擇唔算多，但亦有特別甜品，就如榴槤奶凍、燕窩撻等，芝士蛋糕及燉蛋也很吸引。
榴槤奶凍好軟滑微彈，濃重的榴槤味，甜而不膩，齒頰留香。燕窩撻偏甜，燕窩份量岩岩好，撻皮較軟身，但酥香。
芝士蛋糕鬆軟綿蜜，質感軟滑，味道十分香濃，食完有點膩，同友人分享最好，燉蛋味道幾好，嫩滑彈有蛋味，偏甜。
Movenpick雪糕有三款口味，我當然一次食哂雲尼拿、士多啤梨、朱古力。雲尼拿口味雪糕有雲尼拿籽，甜味香味都天然，士多啤梨多果肉，酸酸甜甜好清爽，朱古力味雪糕亦有好多朱古力碎，味道夠濃。
還有小朋友至愛朱古力噴泉，有士多啤梨十分抵食，仲要士多啤梨唔太酸又大粒。
生果有西瓜、菠蘿、蜜瓜，西瓜及蜜瓜都超甜美多汁，添了好多所以幾飽。
最後嘆返杯茶或咖啡，有茶、檸檬等提供，可自助添飲，更有咖啡機沖出四款咖啡。
最後差點忘記，餐廳有自助果汁任添，有蘋果汁、橙汁、西柚汁。我覺得蘋果汁最好飲，也配合到我選擇的食物。
張貼
