影片
更多
2018-09-05
317 瀏覽
老公非常鍾意食海膽, 今日為左同佢慶祝一個月嘅加班終於完結, 我係中環呢間以海膽為主題嘅居酒屋S2 Kitchen攞定位同佢撐枱腳嘆返餐。因為冇訂枱驚搵唔到位, 我6點已經到餐廳, 成為第一位客人, 餐廳座位唔多, 燈光幾有情調, 老公7點到餐廳時客人就開始多, 都幾熱鬧。難得去到老公最愛吃的食物嘅主題餐廳, 今晚就俾佢發辦一次咁多啦, 佢點左餐廳招牌嘅十層海膽杯, 一份雞翼, 一碟卷物同芝士年糕, 另外當然唔少得我愛吃嘅沙律啦。十層海膽杯名符其實真係有十層海鮮, 當中老公最愛嘅海膽有足足3層, 另外有藍鰭吞拿拖羅蓉, 三文魚子, 白蝦, 白飯魚脆片, 黑魚子, 沖繩海葡萄, 材料非常豐富, 老公食得非常滋味, 佢仲大讚餐廳選用嘅北海道紫海膽比一般海膽鮮甜好多。老公平時好少食雞翼, 我見到店員送上雞翼時我原本都覺得奇怪, 但原來係內有乾坤, 雞翼入面原來收埋左原隻鮑魚係入面, 面且仲要係以清酒煮腍的鮑魚, 外層雞肉燒得外層香脆, 雞肉軟嫩, 配上清酒鮑魚, 非常惹味。老公幫我揀嘅牛油果帆立貝洋風海膽沙律味道酸酸甜甜, 加上牛油果味道好清新, 帆立貝份量好多, 混入海膽一齊食, 味道層次
難得去到老公最愛吃的食物嘅主題餐廳, 今晚就俾佢發辦一次咁多啦, 佢點左餐廳招牌嘅十層海膽杯, 一份雞翼, 一碟卷物同芝士年糕, 另外當然唔少得我愛吃嘅沙律啦。
十層海膽杯名符其實真係有十層海鮮, 當中老公最愛嘅海膽有足足3層, 另外有藍鰭吞拿拖羅蓉, 三文魚子, 白蝦, 白飯魚脆片, 黑魚子, 沖繩海葡萄, 材料非常豐富, 老公食得非常滋味, 佢仲大讚餐廳選用嘅北海道紫海膽比一般海膽鮮甜好多。
老公平時好少食雞翼, 我見到店員送上雞翼時我原本都覺得奇怪, 但原來係內有乾坤, 雞翼入面原來收埋左原隻鮑魚係入面, 面且仲要係以清酒煮腍的鮑魚, 外層雞肉燒得外層香脆, 雞肉軟嫩, 配上清酒鮑魚, 非常惹味。
老公幫我揀嘅牛油果帆立貝洋風海膽沙律味道酸酸甜甜, 加上牛油果味道好清新, 帆立貝份量好多, 混入海膽一齊食, 味道層次豐富。
芝士年糕外層香脆, 芝士餡料味道濃郁, 口感煙韌, 味道唔錯。
餐廳另一款招牌菜S2特色海膽火焰卷上層舖滿海膽, 蟹子同芝士, 而且份量好多, 兩個人SHARE都食得好滿足。
最後店員提我地LIKE FB會送一份甜品, 埋單每位$420, 價錢合理。
張貼
