大滿足 (已搬遷) 新店位置

經過葵芳，見到大大張poster 寫住30蚊有半版海膽，心諗平時係壽司店度食都要40蚊，仲未計加一，就去左試下!鋪頭位於葵涌廣場2樓， 唔難搵，佢有個新corner，大部分鋪頭都係食店，不過好多人，變相走廊有d狹窄!當然叫招牌半版海膽手卷, 人手即叫即整， 等左5分鐘就有，海膽如奇壯觀，好似海膽山咁!海膽好鮮甜，唔苦，壽司醋飯仲係暖暖地，深信佢真係即叫即做。不過海膽只得面頭有，食到中間就冇晒 但由於海膽好味，買多左一個海膽北寄貝手卷返屋企再食! 北寄貝一樣咁鮮，爽口，好味!