豚燻 (已結業)

豚燻係日本食物嘅世界入邊，除咗鍾意食壽司刺身之外，拉麵係必不可缺嘅一部份，拉麵其實係日本來講都係非常普通嘅食物，但係嚟到香港之後，升價十倍，不過唔理點都好，我都係好鍾意好鍾意好鍾意食拉麵，最主要最鍾意就係食味噌同埋豚骨湯底，日本果然係一個非同凡響嘅國家。今次黎到位於銅鑼灣嘅豚燻食拉麵，聽講呢度嘅拉麵係加左蜆肉去煮湯底，仲有海膽食添，咁吸引，一於來品嚐品嚐。聽講呢度嘅海膽拉麵係用上咗成版海膽，感覺非常豪氣，海膽尚算新鮮，色澤金黃飽滿，揭開海膽同埋拉麵，發現原來有七至八隻蜆肉喺下面，而且湯底都充滿着濃濃蜆味，但湯底本身的味道唔算濃郁，啱晒啲冇咁重口味嘅人，拉麵掛湯力一般，感覺煮得腍左少少。另外，我哋都叫咗兩款小食，分別係炸雞及煎餃子，煎餃子嘅醬汁係餐廳自己調配嘅，非常有驚喜，酸酸鹹鹹的， 十分開胃，而且餃子皮薄餡靚，好多肉汁呢！而炸雞，我們選的味道是大阪風，即係類似燒汁嘅醬汁淋係炸雞上面，炸雞香脆可口，都係一個唔錯嘅選擇。