四季文昌 (已結業)

之前都食過四季文昌，都知道食物嘅質素高質，今次再同老公去食，水準依然都保持到同埋我哋都有試新野我哋兩個人就叫咗半隻雞，湯底好清甜，係用椰子水㗎，老公就覺得啲雞肉好滑我自己就鍾意個牛肉拼盤，牛肉味重，特別係牛柳粒，好有驚喜，本身以為煮得耐會硬，點知完全唔會老公就覺得個牛頸脊最好食，除咗肉味夠重之外，又有咬口，啱晒佢呢個食肉獸紫菜響鈴都勁正，兩樣都係我最鍾意嘅嘢食，而且份量唔細，煮到啱啱諗就最好食另外個水餃好足料，入邊好大隻蝦，又有豬肉，我一個人都食咗兩粒福袋入邊原來係豬肉碎，未有太大驚喜溫室豆苗成個盆栽甘上，當自己係農夫喺度收割豆苗再煮住黎食，都幾好玩最最重點嘅係佢新出咗個海膽煲仔飯，唔好講笑真係成版海膽甘上，加啲豉油再撈勻黎食，食到有淡淡的海膽味，真係第一次咁食最後我哋like個Facebook，有得送椰青雪糕，入邊仲要有椰子肉，送嘅雪糕都咁出色，值得一讚我哋一人叫咗一個沙冰，夏天飲就最啱啦，個人就覺得西瓜冰好飲啲，椰子冰入邊呢食完可以再食埋入邊嘅椰子肉