影片
更多
2017-06-06
129 瀏覽
一大班朋友gathering食咩好？梗係去食放題啦，又多野食揀，可以一次過滿足晒所有人既願望，又可以慢慢坐。每次食放題第一樣要嗌既一定係刺身拼盤。呢到既刺身拼盤賣相好靚，仲要係第一次見到放題都有海膽刺身食，身為海膽控既我一見到真係超級興奮。海膽仲要色澤好靚，一啲腥味都無，味道好鮮甜。三文魚，吞拿魚同劍魚腩都好厚身，無腥味，幾新鮮。食完刺身就轉戰壽司啦。呢到既軍艦壽司選擇唔算多，不過好驚喜既係有海膽軍艦。海膽軍艦既賣相好靚，海膽份量絕對唔少，味道一樣好鮮甜。炙燒壽司都好香，鹽燒三文魚燒到入口即溶，蟹棒炙燒壽司入口有好香既炙燒味。芝士焗扇貝好大隻，即叫即焗，一上枱熱辣辣。上面鋪滿好多芝士同沙律醬，好惹味，朋友同我都忍唔住encore左三次！另外佢既炸物都唔錯，我地叫左紫心香芋丸同芝士年糕，都係即叫即炸，一黎到熱辣辣之餘仲炸到外脆內軟。芝士年糕仲比出面其他餐廳既大份，外皮較薄，入面包住滿滿既香軟芝士，仲係半流心架。差唔多食飽就食甜品，呢到除左有雪糕同雪條之外，仲有我最鐘意既雪米糍。我同朋友忍唔住出左去幾次攞雪米糍食，都數唔到總共食左幾多粒喇。總括黎講，以呢個價錢黎講放題有海膽刺身同海膽軍艦食
每次食放題第一樣要嗌既一定係刺身拼盤。呢到既刺身拼盤賣相好靚，仲要係第一次見到放題都有海膽刺身食，身為海膽控既我一見到真係超級興奮。海膽仲要色澤好靚，一啲腥味都無，味道好鮮甜。三文魚，吞拿魚同劍魚腩都好厚身，無腥味，幾新鮮。
食完刺身就轉戰壽司啦。呢到既軍艦壽司選擇唔算多，不過好驚喜既係有海膽軍艦。海膽軍艦既賣相好靚，海膽份量絕對唔少，味道一樣好鮮甜。
炙燒壽司都好香，鹽燒三文魚燒到入口即溶，蟹棒炙燒壽司入口有好香既炙燒味。
芝士焗扇貝好大隻，即叫即焗，一上枱熱辣辣。上面鋪滿好多芝士同沙律醬，好惹味，朋友同我都忍唔住encore左三次！
另外佢既炸物都唔錯，我地叫左紫心香芋丸同芝士年糕，都係即叫即炸，一黎到熱辣辣之餘仲炸到外脆內軟。芝士年糕仲比出面其他餐廳既大份，外皮較薄，入面包住滿滿既香軟芝士，仲係半流心架。
差唔多食飽就食甜品，呢到除左有雪糕同雪條之外，仲有我最鐘意既雪米糍。我同朋友忍唔住出左去幾次攞雪米糍食，都數唔到總共食左幾多粒喇。總括黎講，以呢個價錢黎講放題有海膽刺身同海膽軍艦食，真係好抵，鐘意食海膽既朋友可以考慮黎試下。
張貼
