元気寿司 (屯門市廣場1期)

營業中

休息中

約咗人夜晚8點幾响屯門市中心coffeeshop見面，唯有搵埋附近的I & S早啲食晚餐。6點幾又未肚餓，I提議食壽司，又好啫，食幾多自己掌握。元氣搬遷後改為高速線，平常門口都好多人等位，決定去食就即刻用app攞位，去到等一陣已經有位了。用平板下單不知不覺會叫多啲，好耐沒叫海膽軍艦了，因為覺得不夠新鮮，看見圖片又想吃，再試一次吧。叫咗 :海膽軍艦、飛魚子軍艦、牛油果軟殼蟹卷、加洲小卷、甜蝦卷、加洲手卷、灸燒卷牛油赤海蝦壽司、灸燒芝士皇帝蟹柳壽司、腐皮壽司、帆立貝壽司、柚子醬油吞拿魚壽司、蒲燒鰻魚壽司、枝豆、麵豉湯….原本無打算寫評語，好多食咗無影相，後來海膽軍艦來了，首先賣相已經一改印象，睇見紫菜就知係即製，直挺挺的包著飯團，飯團上片片橙黃色好吸引啊，廚師應該很小心挑出擺放，所以海膽形狀很完整，食落口感厚滑鮮甜無鯹味，好味，忍不住追加了一客。其他不過不失，一如既往，味道Ok。