鮨幸 (已結業)

今次係我第二次食omakase，由於上次食完實在太難忘啦，所以就決定再戰。今次朋友搵嘅呢間鮨幸又係喺銅鑼灣，不過今次就食豪啲，食個海膽全宴，哈哈。佢幾乎每道菜都有加海膽喺上面，而且絕不手軟，但佢又唔會話為加而加，每樣食材都會同海膽夾到，食得出師傅係有花過心思落個menu度，值得加分。佢啲海膽一啲腥臭都冇，仲要係甜架！食得出係日本貨色黎，相當重本。但我估係海膽呢期當季所以先會有，如果係海膽迷嘅就快啲上去食啦， 真係極力推介呀！佢每一道料理都偏清淡為主，主要突出食材本身嘅味道，同埋防止其中一樣食材太搶會令到其他失色，真係調節得好完美。加上佢每一碟無論係個碟本身定個攞盤都整得好靚好有心思，顏色都襯得好好，影相出黎好睇又有日本傳統味道。最後佢個甜品一出黎我成個人溶左，注意係我溶，而唔係個甜品溶😂佢係一個鯛魚燒咁嘅物體，但特別係其中一隻居然係隻熊仔，可愛感滿分，女士們一定會好中意。