S2 Kitchen (已搬遷) 新店位置

自從上次食完海膽杯之後，就好想再搵多啲唔同食海膽既舖頭試下，上網search搵到呢間中環既餐廳，收工就去咗呢間食。餐廳係石板街既側邊，門口掛住好多居酒屋燈籠。呢度都有個海膽杯($398)，今次感覺仲勁過上次，係有成十層，忍唔住叫咗嚟試下。佢有好幾種唔同既海膽係入面，仲有魚子、帶子等等，店員都有介紹返，好好食，啲海膽好新鮮，味道非常鮮甜。呢度都有個青蘋果蟹籽沙律($88)，叫咗個嚟開下胃。朋友叫既芝士年榚($48)，佢有加多咗塊紫菜包住嚟食，朋友話好鐘意，因為嚟到仲係熱，而芝士味又唔會太膩。叫咗兩個卷物嚟試下，見係招牌菜，就嚟咗呢個先，S2特色海膽火焰卷($128)，上面有帶子、海膽同蟹籽，本身已經有燒咗小小，放低咗之後職員仲會再係我地面前再燒一次，熱熱既帶子加海膽味好正！三文魚夾餅創作壽司（$68兩件)，第一次見有呢種夾餅壽司，上面有好多沙律醬，個夾餅應該係魚燒片嚟，食落去好香脆，味道都好夾。清酒鮑魚雞翼($78)，飽魚好大粒已經包咗係雞入面，無骨咁食，雞肉都好滑。海膽燒岩蠔($98)，啲cream加埋好香甜！最後都食埋個甜品先走，職員話呢個海膽雪榚係獨家入，山面搵唔到，食落去有啲鹽鹽