香港海賊王餐廳 (已結業)

朋友係海賊王狂粉~所以就同朋友嚟試吓佢~其實佢都忍咗好耐架喇~因為我覺得一開頭實好多人排隊~所以一直拖拖拖~~~~拖到呢排先去食囉~環境都幾大幾舒服~好多影相位~狂粉可以喪影相呀~餐廳內有一個好大個螢慕~間唔時就會播一啲海賊王既片段~又幾好吖~唔會悶嘛~三刀流串燒~幾得意~味道OK~不過我食唔出咩肉打咩肉路飛Jombo肉盤呢個同普通咗啲~好似啲扒房既雜扒餐咁~正義牛排三文治~又幾好味喎~雖然塊扒薄咗啲~但幾有牛味~FRANKY SUPER漢堡都幾好食~仲有啲星星薯餅~我食晒~山治藍菠蘿梳打有啲失望~普通菠蘿冰咁...但又無乜味....最後朋友唔夠喉~叫埋甜品~索柏雞蛋仔~好得意~影相好靚~又有棉花糖食~不過雞蛋仔就係普通雞蛋仔~只係加咗棉花糖同索柏落去~價錢就貴咗好多喇最後朋友都係唔捨得走~喺佢啲紀念品店度行咗好段時間先走啊~不過都有影相位~